Чодырам арален кодена. Кундемна «Сохраним лес» Российысе акцийыш ушнен. Марий Эл Республикылан 106 ий темме вашеш 1 гектар кумдыкышто 5 тӱжем утла пӱнчӧ росотам шынденыт. Акцийыш Марий Элым Вуйлатыше Юрий Зайцев ушнен. Тудо палемден, шочмо мланде верч тыршымаште должность да регалийым ончыман огыл. Акций Марий Элын чыла гаяк кундемыштыже эртаралтеш. Рӱдӧ площадке – Куяр лесничестве. 5 ий ончыч ты чодырам кугу тулазап пытарен. Тачысе кечын угыч волгыдо ончыкылыклан ӱшан шочеш.