Оршанке районышто верланыше кӱсото-влакым шымленыт. Тимофей Евсеев лӱмеш тоштерын пашаеҥже, Валериан Васильев лӱмеш марий шымлыше институтын шанчыеҥже-влак, Юлтехын туныктышыжо комплексно шымлымаш пашам эртареныт. Научный пашаеҥ-влак проект кышкарыште ото-влакын кумдыкыштым палемденыт, кӱсотым экологий, археологий, фольклор могырым шымленыт. Мемнан съемочный группына марий шымлыше институтын учёныйжо-влак дене вашлийын.