Сай кумыллан – Марий Элыш! Кодшо ийын мемнан кундемыш 1 миллионат 300 тӱжем утла турист да экскурсант толын каен. Тидыже 2024 ийысе показатель деч 8 процентлан шукырак. Каласыман, турист-влак Йошкар-Олашке веле огыл толыт, нуно республикын районлашкыжат лектын коштыт. Районлаште оҥай турист программым темлыше-влак шагалын огытыл. Нунын кокла гыч иктыже – Марий Йӱштӧ Кугызан илемже. Йӱштӧ кочай кодшо ийын мыняр унам вашлийын? У тургымлан кузе ямдылалтеш? Тидын нерген Йӱштӧ Кугызан илемжым вуйлатыше Анатолий Конаков дене Дмитрий Веденькин мутланен.