Козьмодемьянскысе тоштер комплекс тений 25 ийым палемден. Тачысе кечын тушко Чыкма оласе ныл тоштер пура: Александр Григорьев лӱмеш художественно-исторический, кава йымалсе этнографий, Остап Бендер лӱмеш сатир да юмор, купеч быт тоштер-влак. Тылеч ончыч кажныже посна, шке семын пашам ыштен. А 2001-ше ийыште ныл тоштерым ик комплексышке пуртеныт. Кумданрак – Надежда Пекасова.