Марий Элыште тӱня кумалтыш тений Кужэҥер районысо Шорнотышто 18 октябрьыште лиеш. Тӱня кумалтышлан палемдыме ото-влак Советский, Шернур, У Торъял да Кужэҥер районышто верланеныт. Кажныштыже кумалтыш вич ий коден эртаралтеш. Шыжым эртарыме тиде кумалтыш ик эн виянлан шотлалтеш. Тушко вич тулолмо дене республикын шуко районжо гыч онаеҥ-влак кумалаш мият. Тӱня кумалтыште еҥ-влак урржа-сорла лектышлан тауштат, тыгак тыныс, перке, сай илыш верч кумалаш тӱҥалыт.