Собор форум умбакыже шуйна. Рӱдолаште Руш калык соборын регионысо форумжо кая. Программыште лекций, дискуссий да кином ончымаш. Форум «Российын вияҥмыже да традиционный поянлыкше» теме дене пашам ышта. Кугыжаныш архивыште йыргешке ӱстел лийын. Тушто республикысе мер ушем-влакын шӱм-чон поянлыкым аралымаште ыштыме пашаштым лончыленыт. Форумыш кучемын еҥже, шанчыеҥ, туныктышо, мер пашаеҥ, студент да тунемше-влак ушненыт. Событийын тӱҥ амалже – Российысе духовно-нравственный акым пеҥгыдемдаш, патриотизм да граждан шӱлышым вияҥдаш.