С. Г. Чавайн лӱмеш калыкле книгагудышто Йошкар- Оласе Епархийын ямдылыме кок изданийжын презентацийже эртен. «Служба Мироносицкой иконе Божией Матери» ден «Акафист Мироносицкой иконе Божией Матери». Презентацийышке ушнышо-влакым Йошкар-Олан да Марий Элын митрополитше Иоанн саламлен. Событий Марий кундемын ик эн тӱҥ святыньыжлан, Юмын Аван Царевококшайский (Мироносицкий) юмоҥажлан, пӧлеклалтын. Тиде образын историйже 1647-ше ий гыч тӱҥалеш. Преданий почеш, кресаньык Андрей Жолин Чарла деч тораште огыл юмоҥам муын. Тылеч вара тудым жаплымаш тӱҥалын.