Этнографий костюм, автор коллекций, сценысе костюм. Марий Эл угыч «Калык вургем пайрем унала ӱжеш» регион-влак кокласе конкурс-фестивальым вашлиеш. Тудо 2002-шо ийыште мемнан кундемыштак шочын да кажне кок ийын тӱрлӧ кундемысе вургем ойыртемым ончыкта. Ондак тудо тыглай фестиваль семын эртаралтын гын, 2013 ий гыч конкурс семын участник-влакым пога. 24 да 25 октябрьыште Йошкар-Олан тӱрлӧ усталык площадкыштыже калык вургемым ямдылыше мастар-влак, тыгак профессионал модельер-художник-влак шке пашашт дене палдараш тӱҥалыт.