«Калык вургем пайрем унала ӱжеш» да «Финн-угор транзит» фестивальыш толшо уна-влакым шанче-практик конференцийыш чумыреныт. Валериан Васильев лӱмеш марий шымлыше институтышто этнологий шымлымаш-влак дене кылдалтше республик кӱкшытан мероприятий эртен. Тудын кышкарыште 3 секций пашам ыштен. Тачысе кечын пӱсын шогышо могай йодышлам нӧлталыныт? Кумданрак Надежда Пекасова каласкала.