30 октябрьыште тренер-влак профессионал пайремыштым палемдат. Морко районысо физический культур да спорт рӱдерыште тений ик тренерлан ешаралтын. Тушко «Земский тренер» программе почеш Станислав Ильин пашаш толын. Ече дене куржталмаш да биатлон дене тренер Арын кыдалаш школышто да Морко поселкысо 2-шо номеран школышто йоча-влак дене тренировкым эртара. Мемнан съемочный группына тренер дене вашлийын да Арын школышто эртыше тренировкым аклен.