35 ий калык дене пырля. Марий самырык театр шке лӱмгечыжым палемден. 1991 ийыште шочшо театр тачысе кечын йоча, кокла ийготан, илалше еҥ-влаклан келшыше спектакльым шында, калыкым куандара. Икымше кече гычак тыште постановко-влакым кок йылме дене шындат. Тунамак чумырымо команде тырша, самырык артист-влакат толыт. Лӱмгече кечын сцене гыч тауштымо шомак, саламлыме мут йоҥгеныт.