19 ияш шке кумылын сарыш каен, Калининградысе фронтышто, Орлов-Курск дугаште кредалын, нелын сусырген. А сар деч вара шке илышыжым книгагудо паша дене кылден. Мутем Кугу Ачамланде сарын участникше, рӱдоласе книгагудо системын икмыше директоржо Раиса Иванченко нерген. Ынде тудын илыш историйже тудын лӱмжым нумалше библиотекыште посна верым муын. Тоштер-пӧлемлан «Девушка из истребительного батальона» лӱмым пуэныт.