Марий кундемым да Российым шке пашашт дене чапландарыше-влаклан суаптарым кучыктеныт. Калык-влакын икоян улмо да Марий Эл Республикын кечынже Юрий Зайцев СВО-н участникше, педагог, врач, тӱвыра, науко пашаеҥ да моло профессийыште тыршыше-влаклан суаптарым кучыктен. Кажне награде шенгелне – айдеме да тудын пашаже. Саламлымаш Эрик Сапаев лӱмеш опер да балет театрыште эртен. Йӱла почеш, пайремым Всемарийский йоча коллектив-влак сӧрастареныт: хор, оркестр, кӱслезе-влак да «Волгенче» куштышо ансамбль.