8 ноябрьыште Российыште КВН-ын кечыже палемдалтеш. Лач ты кечын 1961-ше ийыште икымше КВН команде-влакын модмашыштым канде экраныште ончыктеныт. Пел курымаш историян мыскара толкын марий-влак коклаштат вияҥеш. Республикыштына марий КВН 2000-ше ийыште тӱҥалтышым налын. Тений марий команде-влак кугу фестиваль кышкарыште 13-шо гана погынат. Фестивальын темыже кино да кинематографийлан пӧлеклалтеш. Республик кӱкшытан марий КВН фестиваль Шернур посёлкысо рӱдӧ тӱвыра полатыште 20 ноябрьыште лиеш. 5 еҥан команде-влак марий программе почеш модаш тӱҥалыт. Фестивальыш йодмашым команде-влак 13 ноябрь марте колтен шуктышаш улыт.