«Ме Марий Элыште илена». Тиде – кундемыштына чапланыше фотокорреспондент Михаил Скобелевын выставкыже. Тудо республикын кечыжлан пӧлеклалтын. Ончер Сеҥымашын 30-шо идалыкше лӱмеш тӱвыра полатыште эрта. Марий Элысе тӱвыран сулло пашаеҥже Михаил Скобелев 45 ий кеч-кушкат фотаппарат дене лектеш. Фотомастер марий тӱнян сылнылыкшым, ойыртемжым, поянлыкшым, эн тӱҥжым да оҥайжым объективыште кучен мошта. Кажне фотографийын шке историйже. Фотографын пашаже-влак 1998 ий годсек «Марий Эл» газетын кажне номержым сӧрастарат. Фотоончерыш лукмо кажне паша марий калыкын илышыжым турло шӧрын гыч почын ончыкта.