Республикысе вокал-хоровой да фольклор коллектив-влакын вуйлатышышт черетан семинар-практикумыш погыненыт. Республикысе калык усталык пӧртыштӧ тыгай тунеммашлам ий еда эртарат. Тиде гана «Народный вокал: сохраняя народные традиции» семинарышке 50 наре методист погынен. Мемнан регион гыч гына огыл, Свердловск кундем гычат толыныт. Семинарыште вокал-хоровой жанрым арален кодымо да тудым умбакыже вияҥдыме шотышто тӱрлӧ йодышым каҥашеныт. Ик эн тӱҥ йодыш калык мурым кучылтмо паша дене кылдалтын.