DataLife Engine / 18 ноябрьыште Российыште Йӱштӧ Кугызан шочмо кечыже

18 ноябрьыште Российыште Йӱштӧ Кугызан шочмо кечыже

18 ноябрьыште Российыште Йӱштӧ Кугызан шочмо кечыже. Кечым тыглай огыл ойырен налме. Эскерыме почеш, лач 18 ноябрьыште Великий Устюгышто, Йӱштӧ Кугызан официальный резиденцийыштыже, теле озаланаш тӱҥалеш, икымше пеҥгыде йӱштӧ толеш да лум возеш. Йӱштӧ Кугыза шке шочмо кечыжым 2005 ий гыч пайремла. Ынде икмыняр ий почела Марий Эл Вуйлатыше Юрий Зайцевын темлыме «Марий теле» фестиваль кышкарыште Йӱштӧ Кугыза-влак пырля чумыргат, тӱшкан рӱдола уремла мучко эртат. Тений фестиваль 12 декабрьыште Йӱштӧ Кугыза-влакын таҥошкылмашышт дене почылтеш.


Сегодня, 18:59
Вернуться назад