Шочмо йылмын ямже | Появление и развитие марийской письменности

10 декабрь - Марий тиште кече. Марий калык тудым 1990-ше ий годсек палемда. Мо тыгай тиште? Марий возыктышын историйже могай ийла дене кылдалтын да тудым вияҥдымаште кӧ тыршеныт? Тиде да моло йодышлан вашмутым Валериан Васильев лӱмеш шанче-шымлыше институтын кугырак шанче пашаеҥже, Марий Элысе шанчын сулло пашаеҥже Олег Сергеев пуа. «МЭТР» телеканалын эфирыштыже у программе – «Шочмо йылмын ямже». Марий йылмын вияҥме корныжо, кутырымо да возымо ойыртемже, у мут да моло темым тарваташ тӱҥалына.