Марий Эл ТВ: 23 мартыште Советский район «Сеҥымаш салют» фестивальыш ушна

Кугу Ачамланде сарын участникше-влаклан вуйым савен…Советский район, а сар пагытыште Роҥго район гыч, 9 тӱжем утла еҥ каен. Тышеч 200 наре ӱдырамаш лийын. 4 тӱжемат 500 салтак пӧртылын огыл. Таче Кугу Ачамланде сарын историйжым «Сеҥымаш салют» Россий кӱкшытан фестиваль кышкарыште ончыктат. «Победа в сердцах поколений». Тиде «Сеҥымаш салют» фестиваль кышкарыште ончыктымо Советский районын отчёт концертын программыже. Тудо 23 мартыште калык ончыко лектеш.