Марий йӱла: В Новоторъяльском районе прошли весенние моления.

Сай кечым тыланаш, пайрем дене саламлаш. Тыгай йӧным марий ӱдыр Ольга МАйкова кажныжлан пӧлекла. Тудо марий йылме дене стикер-влакым ямдыла. Кушеч тыгай шонымаш лектын да мо тудым таратен? Оля дене мемнан съемочный группына вашлийын.

Марий книга савыктыш – «Йошкар площадьште». 2-шо гыч 6-шо июнь марте Моско олаште «Йошкар-площадь» книга фестиваль эртен. Тушто элнан 56 регионжо гыч 400 издательстве шкенжын книга сатужым аклаш луктын. Тыгак тышке Донецк, Луганск Калык Республик-влак, Запорожский да Херсон областьла гыч представитель-влак ушненыт. Марий Эл гыч «Марий книга издательстве» савыктыш пӧртын книгаже-влак ончыкталтыныт да ужалалтыныт.

В колледже культуры и искусств им.И.Палантая будут обучать будущих актеров.

Репортаж: В Республике Татарстан отпраздновали марийской праздник.

Курыкмарий драме театр у премьерым ямдыла! Илья Ильф да Евгений Петровын романышт почеш шындыме «Двенадцать стульев» постановкым калыклан аклаш луктеш. Тиде спектакль Козьмодемьянсклан моткочак лишыл. Садланак тудо олан лӱмгечыжлан, 440 ийжылан пӧлек. «Двенадцать стульев» постановко 9 июньышто Козьмодемьянск олаште, Яков Эшпай лӱмеш калык тӱвыра рӱдерыште лиеш. 18 шагатлан тӱҥалеш.

Какшан сер ӱмбалне марий муро йоҥген. 2 июньышто «Кугарня» газет редакций да «Марий Эл» савыктыш пӧрт «Какшан сер ӱмбалне» лӱман фестивальым 3-шо гана эртареныт. Шке йырже тудо утларакшым мурым возышо да гитар дене шоктышо еҥ-влакым чумырен. Кӧ тушко ушнен? Мо дене фестиваль ойыртемалтын? Вашмут-влак черетан материалыште.

Агавайрем кумалтыш-влак эртаралтыт. Мланде шочмо кечын, 5 июньышто У Торъял район Эшымсола отышто шошо кумалтыш лийын. Тушко воктен улшо ялла, вес район гычат еҥ-влак толыныт. Марий калыкын тӱҥ онаеҥже Александр Иванович Таныгин кажне ийын тиде отышто пелешта, перкем йодеш. Толшо-влакат сай кинде лектышым, тыныс илышым йодын кумалыт.

«Марий Эл ТВ»: Интервью с заместителем министра спорта и туризма Республики Марий Эл Светланой Новоселовой. «Актуальное интервью» с Лирой Матвеевой.

Татарстан Республикыште кугу марий пайремым вашлийыныт. Эртыше каныш кечылаште Агрыз районысо Пелемеш селаште Семык пайремым кумдан палемденыт. Тушко Марий Эл деч посна, Удмуртий, Башкортостан, Татарстан Республикыла, тыгак Свердловский область гыч марий-влак ушненыт. Пайремыш лӱмынак кундемнан вуйлатышыже Юрий Зайцев да Татарстанын Раисше Рустам Миниханнов толыныт. Нуно марий йӱла, илыш-кучыш, кочкыш да кид-мастар-влак дене палыме лийыныт. Тидын деч посна регион вуйлатыше-влак Татарстан Республикыште марий шӱлышым вияҥдыше чолга еҥ-влакым чап танык дене палемденыт. Нунын радамыште Кугу Шия школын директоржо Лидия Баймурзина.