Марий Эл Радио » МЭТР - Марий Эл Телерадио

Марий Эл Радио

Сарзе операцийын ветеранже-влак у профессийым налын кертыт

Дата: 15:33, 15-11-2023
Просмотров: 449

Сарзе операцийын ветеранже-влак у профессийым налын кертыт. «Защитники Отечества» фонд дене Кÿшыл образований да шанче министерстве посна платформым почыныт. ВУЗ-ыш тунемаш пураш але переподготовкым эрташ йодмашым социал координатор-влак гоч колташ лиеш. Фондысо наблюдательный советын пашаче группыжо кажне йодышым рашемдаш тÿҥалеш. Пашаче группым Российысе кÿшыл образований да шанче министр Валерий Фальков вуйлата. Спецоперацийыште лийше ветеран-влаклан пашам мумо шотыштат полышым пуат. Тыгак тунемме да пашавер шотышто йодыш дене ÿмыр лугыч лийше боец-влакын лишыл еҥышт толын кертыт.

Подробнее

Марий Эл Радио

Морко районысо Арын селаште водоснабжений объектым чоҥен шуктеныт

Дата: 15:31, 15-11-2023
Просмотров: 434

Морко районысо Арын селаште водоснабжений объектым чоҥен шуктеныт. Монтажым «Илымвер да оласе среда» нацпроектын «Яндар вӱд» регионысо проектше дене келшышын ыштеныт. Подрядчик пожарный резервуарым ыштен, вӱд тавым келыштарен, тыгак 5 километр кужытышто вӱд пучым чоҥен. Чылаже 25 миллион теҥге ойыралтын. 400 утла еҥын суртышкыжӧ вӱд пуч дене толаш тӱҥалын, яндаррак лийын.

Подробнее

Марий Эл Радио

У Торъял районысо икмыняр ялышке канде тул толын

Дата: 15:29, 15-11-2023
Просмотров: 454

У Торъял районысо икмыняр ялышке теле вашеш канде тул толын. Кугу Вӱръялыште газым пайремлын чӱктеныт. Еҥ-влакым куан тат дене регион вуйлатыше Юрий Зайцев саламлен. Ты районысо куд ялышке канде тулым пуртеныт: Васлисола ден Эҥерӱмбал, Кӱанпамаш, Пектансола, Изи да Кугу Вӱръялышке. Чылаже 162 пӧртышкӧ газым пурташ йӧн лектын. Тидлан 22 километр газ пучым да 11 километр распределительный сетьым шупшыныт. Еҥ-влаклан догазификаций дене документым ышташ йӧнанрак лийже манын, ялышке мобильный офис толын коштын, тыгак тушто ял калык оборудованийымат налын кертын.

Подробнее

Марий Эл Радио

Доброволец-спецоперацийын участникше-влаклан Марий Элыште 250 тӱжем теҥгем тӱлаш тӱҥалыт

Дата: 15:27, 15-11-2023
Просмотров: 417

Доброволец-спецоперацийын участникше-влаклан Марий Элыште 250 тӱжем теҥгем тӱлаш тӱҥалыт. Ик гана ойырымо окса кугытым кок пачашат пелылан кугемденыт. Тидын шотышто Указышке кидпалыжым Марий Эл вуйлатыше Юрий Зайцев пыштен. Ты марте доброволец-влаклан ик гана 100 тӱжем теҥгем ойыреныт. Документ дене келышын, тений 1 сентябрь гыч вооруженный вийыште службым эртыме нерген контрактым ыштымеке, республикысе бюджет гыч ик гана тыгай кугытан оксам ойырат.

Подробнее

Марий Эл Радио

Морко районышто Ировка эҥер гоч «Кокрем ‒ Петровское» корнышто кӱварым чоҥен шуктат

Дата: 15:24, 15-11-2023
Просмотров: 491

Морко районышто Ировка эҥер гоч «Кокрем ‒ Петровское» корнышто кӱварым чоҥен шуктат. Пашам «Лӱдыкшыдымӧ сай качестван корно» нацпроект дене келшышын ыштат. Тошто пу кӱварым 1963 ийшыте чоҥеныт, тудо кугу машина-влакын нелытыштым чытен кертын огыл. Тиде кӱвар кундемым райрӱдӧ дене уша. Садланак тудым ял калык шукертак вучен. Кӱварым ноябрьыште чоҥен шуктышаш улыт, но экспулатацийышке 2024 ийыште сдатлат. Кызыт жаплан келыштарыме кӱварым рончат, кӱвар тӱрым шотышко кондат. Чоҥымо годым пӱртӱслан кондымо эҥгекым сулаш, эҥерышке 5800 колигым колтеныт.

Подробнее

Марий Эл Радио

Козьмодемьянскыште чоҥымо причал кумдыкышко стерлядьын 26 тӱжем колигыжым колтеныт

Дата: 16:27, 13-11-2023
Просмотров: 480

Козьмодемьянскыште чоҥымо причал кумдыкышко стерлядьын 26 тӱжем колигыжым Россий законодательствын йодмашыже дене колтеныт. Объектым чоҥымо годым пӱртӱслан эҥгек ышталтеш, кол мыняр гынат пытен кертеш. Тидым шотышко налын, чоҥышо организаций колигым колтышаш. Козьмодемьянск олан мэрже шке социал тӱшкаштыже возен, причал пырдыжым чоҥымо паша мучашышке лишемеш. Тудым ыштымеке, турист-влакат шукырак толын кертыт, тыгак транспорт инфраструктурыланат пайда лиеш.

Подробнее

Марий Эл Радио

Марий Элыште мланде да пого дене кылдалтше ик цифровой платформым ыштат

Дата: 16:25, 13-11-2023
Просмотров: 197

Марий Элыште мланде да пого дене кылдалтше ик цифровой платформым ыштат. Мемнан регион ‒ пилотный регион-влак радамыште. «Национальная система пространственных данных» цифровой платформым ыштыме нерген Марий Эл Виктер вуйлатышын алмаштышыже Евгений Курмаевын эртарыме совещанийыштыже ойленыт. Кадастр пашам шукташ мланде да погын озажым палаш южгунам тергымашымат эртараш логалеш. Тений куснылдымо 21 тӱжем объект шотышто тергымаш лийын. Озам огыт рашемде гын, верысе кучем орган-влак тудым озадыме пого семын реестрышке пурта.

Подробнее

Марий Эл Радио

Йошкар-Оласе аэропортышто пассажир терминалыште палемдыме паша гыч кумшо ужашыжым ыштеныт.

Дата: 16:24, 13-11-2023
Просмотров: 205

Йошкар-Оласе аэропортышто пассажир терминалыште палемдыме паша гыч кумшо ужашыжым ыштеныт. Кок пачашан зданийым нӧлтеныт, кызыт тудым леведыт, фасадым, окна блок-влакым, инженер системым ыштат. Тидын дене пырля кумдыкым тӱзатат, аэровокзал марте корным чоҥат. Октябрьыште зданий деке шокшым пуышо пучым пыштеныт. Тидын нерген Российын чоҥымаш министерствыже воза. План дене аэровокзал комплексым 2024 ийыште ыштен шуктышаш улыт, кызыт палемдыме пашам график дечын 3 тылзылан ончычрак шуктат. Терминалым почмеке, Йошкар-Оласе аэропорт гоч ик шагатыште 400 пассажир эртен кертеш.

Подробнее

Марий Эл Радио

Республикын районлашкыже УАЗ маркан 10 вашкеполыш машинам колтат.

Дата: 16:22, 13-11-2023
Просмотров: 213

Республикын районлашкыже УАЗ маркан 10 вашкеполыш машинам колтат.
Ты радамыште ‒ Марий Турек, У Торъял, Оршанка, Параньга, Шернур, Силикатный, Советский, Визимьяр поселкыла, Сотнур села, Волжск ола. Тиде пайремле тат дене вашкеполыш станцийын пашаеҥже-влакым регион вуйлатыше Юрий Зайцев саламлен.

Подробнее

Марий Эл Радио

Морко районысо Коркатовышто ГТО нормативым сдатлаш келыштарыме площадкым почыныт

Дата: 14:29, 11-11-2023
Просмотров: 256

Морко районысо Коркатовышто ГТО нормативым сдатлаш келыштарыме площадкым почыныт. Тудо республикыште ыштыме 15-ше тыгай комплекс. Площадкым «Спорт-илышын нормыжо» федерал проект дене келшышын ыштеныт. Тушто тестированийым эртараш аппаратно-программный комплекс, уремысе тренажер, турник, велотренажер, моло оборудований уло. Ты верыште кажне еҥ шке семын шуаралатын, тыгак силовой гимнастике дене ямдылалтын кертеш.