Семь брендов Марий Эл защищены Роспатентом — как местные продукты становятся национальными
Марий Эл ‒ регионысо корно сетьым саемдыме дене Российыште ик эн ончыл регион
Транспорт да корно озанлык министерстве коллегийын заседанийыштыже эртыше ийысе пашам иктешленыт да тенийлан план нерген ойленыт. Мероприятийышке Юрий Зайцев ушнен. Кодшо ийын республикыште «Лӱдыкшыдымӧ сай качестван корно» нацпроект дене 402 километр корным тӧрленыт. Тыгак 14 кӱварым шотыш конденыт. Республикысе да межмуниципальный 41 процент корно нормативлан келшен толеш. Транспорт министр Александр Герасименко отрасльын вияҥмашыже нерген ойлен. Кодшо ийын Марий Элын социал-экономике могырым вияҥмаш шотышто индивидуальный программе дене Козьмодемьянскыште пассажир причалым чоҥен шуктеныт, Йошкар-Олаште аэропортын пассажир терминалжым ыштат. 2023 ийыште республикыште 16 у маршрутым пашашке колтеныт, тышечын 5-ше Йошкар-Олан 8 микрорайонжым, 4 сад товариществым авалта. Теният республикыште ятыр корным тӧрлышаш улыт.
