Участник-влакым Марий Эл Спорт туризм министрын алмаштышыже Вера Пронина, «Защитники Отечества» кугыжаныш фондын Марий Элысе филиалжын вуйлатышыже Ренат Магсумов, «Управление спортивных сооружений Республики Марий Эл» автоном учрежденийын директоржо Андрей Сидоркин саламленыт. Талын модмаште 35 деч кугурак ияш-влак команде коклаште, тӱшкам шотыш налын, шӧртньӧ кубокын озаже Советский посёлко гыч «Звезда» команде лийын. Ший кубок Параньга кундемын,  бронзо кубокым Медведево район «Арбан» командын, а той кубок ‒ тиде район гычак «Волга-Бункер» сборныйын. Эн сай модшылан У Торъял район «Первый май» команде гыч Сергей Миличенком палемденыт.