Специальный военный операцийын боецше-влак тений Марий Элысе «Сосновый бор» санаторийыште шке лишыл еҥышт дене пырля канен кертыт

Тидын шотышто Указышке кидпалыжым Марий Элын Вуйлатышыже Юрий Зайцев пыштен. Тудын дене келшышын,  СВО-н участникше, нунын пелашышт да 18 ий марте йочашт санаторийыште пырля канен кертыт. Тушто нуно 10 кече тазалыкыштым пеҥгыдемдат. Сарзыеҥ да нунын ешыштлан  йӧнан условийым ыштат. Заездын жапште нерген лишыл жапыште увертарат. 

(Фотом Марий Элысе Виктерын сайтше гыч налме)