Марий Элын Вуйлатышыже Юрий Зайцев кугыжаныш юридический бюрон пашаеҥышт дене вашлийын. Тиде организацийын ик эн тӱҥ да кӱлешан пашаже ‒ СВО-н участникше да нунын ешыштлан, сарзе действийын ветеранже-влаклан, шагал парышан, 1 да 2 группо инвалид, пашан ветеранже, шуко шочшан еш, икшывым ашнаш налше-влаклан полшаш. Юрист-влак республикын районлашкыжат лектыт. Тушто консультацийым эртарат. 10 тылзыште специалист-влак 215 гражданлан полшеныт ‒ консультацийым эртареныт, документым ямдылаш полшеныт, тыгак спецоперацийыште вуйжым пыштышын ешыжлан полшымо судебный заседанийыште лийыныт. Марий Элын Вуйлатышыже еҥ-влакым тургыжландарыше йодышым рашемден, тыгак нунылан полшымо годым Республике Правительствын инициативыштым шотыш налаш темлен. 

(Фотом Юрий Зайцевын лаштыкше гыч налме)