Тенийысе 9 тылзе жапыште «Пушкин карте» полшымо дене 65 тӱжем утла билетым налме

Эн шуко йоча-влак театрыш билетым наледеныт, 27 тӱжем утла билет лач «Пушкин карте» гоч ужалалтын, 15 тӱжем утла билетым ‒ тӱвыра пӧртлашке да клублашке мероприятийыш налын пуреныт, 8 тӱжем утла – концерт организаций-влак гоч эртен.

 Сентябрь тылзым ончалаш гын, эн шуко билетым тиде карте дене Марий самырык театрын спектакльлашкыже налме, вара ‒ Эрик Сапаев лӱмеш Опер да балет театр, тыгак Константинов лӱмеш руш академ театр. Эн шуко йоча-влак «Гроза», «Недоросль», «Вишневый сад» спектакль-влакым онченыт.

(Иван Речкинын фотожо)