Оршанка поселкышто тулык йоча-влаклан у пӧртыштӧ пачер дечын сравочым пайремлын кучыктеныт

2024 ийыште Марий Элыште нине мероприятий-влаклан 627 миллион теҥге ойыралтын. 267 пачерым налаш контракт ышталтын. Юрий Зайцев Оршанка районышто илыше-влакым саламлен. Советский уремысе кум пачашан пӧртышкӧ 15 еҥ илаш кусна. Нуно тӱрыс ямде улыт, пӧрт воктене йоча да спорт площадкым келыштареныт, парковко уло. Марий Элын Вуйлатышыже палемден, тулык да ача-ава дечын  посна кодшо йоча-влаклан илымверым ситарыме сомылым Российын да Марий Элын Правительствыже ик эн кӱлешанлан шотла. Тиде У Ий вашеш нунылан ик эн вучымо пӧлек.