«Малая Третьякова на Волге» экспозицийым виртуально ончаш да тудын дене кумданракын палыме лияш йӧн уло
Козьмодемьянскыште А.В.Григорьев лӱмеш художественно-исторический тоштерын «Малая Третьякова на Волге» экспозицийжым виртуально ончаш да тудын дене кумданракын палыме лияш йӧн уло. Тидым «Культура» нацпроект дене келшышын, ыштеныт. Тоштерыш толшо-влак улшо 40 сӱретыште кодым телефоныш «Artefact» приложений полшымо дене сканироватлен, сӱретче да нунын пашашт нерген утларак пален налын кертыт. Шке жапыштыже Козьмодемьянскышке 1918 ийыште Волжско-Камский куснылшо выставке дене радына-влакым конденыт. Тидын дечын вара Александр Григорьевын тыршымашыже дене тиде фонд моло паша денат пойдаралтын.
