СВО участник-влак адаптивный хоккей дене модыт

СВО участник-влак адаптивный хоккей дене модыт. Республикыште «Защитники Отечества» фонд республикын сборныйжымат чумырен. Тазалык дене эмганыше спортсмен-влак дене Марий Эл Ий полатыште мастарлык классым адаптивный хоккей федерацийын президентше Дмитрий Дронов эртарен. Ветеран-влак следж-хоккей дене палыме лийыныт, экипировкым чиен онченыт. Спортын тиде видше дене шуаралтше ветеран-влакын йолышт уке, садлан экипировкат ойыртемалтше. Инвентарь да оборудованийым нунылан «Защитники Отечества» кугыжаныш фонд налаш полша. Мемнан регион ветеран-влаклан ямдылалтмаш площадкым ойыра. Ветеран-влак дене Марий Элын Вуйлатышыже Юрий Зайцев вашлийын да нунылан полышым ойыраш сӧрен.