ЦИК опубликовала итоги выборов в Госдуму после обработки 82,19% протоколов
Республикысе тӱссымыктыш галерыште Ярославльысе художественный музейын собранийже гыч «Пути/Дороги» проект шке пашажым мучашлен
Выставке Йошкар-Олаште 24 сентябрь гыч 19 январь марте пашам ыштен. Тиде жапыште тудым 9 тӱжемат 800 утла еҥ ончен. Толшо-влак художник да нунын произведенийыштым, тыгак Российын XIX -XX курым тӱҥалтышысе историйже нерген пален налын кертыныт. Экспозицйыште 50 утла радынам ончыктеныт, автор-влак коклаште ‒ Борис Кустодиев, Исаак Левитан, Станислав Жуковский, Константин Юон, Юлий Клевер да молат. Ярославльысе художественный тоштер Российысе регионлаште ик эн кугулан шотлалтеш. Тушто 80 тӱжем утла сымыктыш произведенийым аралат. (Фотом Республикысе Тӱвыра министерствын ВК тӱшка гыч налме)
