Кужэҥер районышто 2024 ийысе тӱвыра пашам иктешленыт
Мероприятийым Марий Эл Виктер Вуйлатышын алмаштышыже ‒ тӱвыра, печать да калык-влакын пашашт шотышто министр Константин Иванов эртарен.
Кодшо ийын районышто 2 тӱжем утла мероприятийыш 270 тӱжем утла еҥ ушнен. «Премьера» кинозалышке 3 тӱжемат 600 утла ончышо толын. Книгагудылаштат лудшо-влакын чотышт 16,7% шукемыныт. Кужэҥер йоча сымыктыш школ у семӱзгар дене пойдаралтын. Школлан 10 скрипкым, 4 баяным, 3 аккордеоным, 2 пианином налыныт, тыгак 50 утла тунемме пособийым да оргтехникым.
(Фотом Республикысе Тӱвыра министерствын тӱшкаже гыч налме)
