Тений у нацпроект-влак дене мероприятийлан республикыште 11 миллиард теҥге ойыралтеш. 2025 ийысе тӱҥ задаче-влак нерген Марий Элын Вуйлатышыже Юрий Зайцев возен. Йошкар-Олаште йоча поликлиникым чоҥат, Немда да Ексейка эҥерла гоч 2 кӱварым тӧрлат, Волжск, Звенигово да Козьмодемьянскыште Российысе конкурсышто сеҥыме амал дене кумдыкым тӱзатат. Тидын дене пырля 12 медицин организацийым ешартыш оборудований дене пойдарат, Козьмодемьянскыште вӱд объектым чоҥат, тӱвыра пӧртым, 9 школым да 2 йочасадым капитально тӧрлат, 42 тӱшка верым тӱзатат, Козьмодемьянскыште модельный библиотекым ыштат, 70 километр корным тӧрлат, 2 тунемме-производственный кластерым ыштат. Нацпроект-влакым Россий Президентын темлымашыже дене илышыш пуртат да ик эн кӱлешан мероприятий-влакым авалтат.