Йошкар-Олаште канализацийын очистной сооруженийжын реконструкцийжын кокымшо этапше тӱҥалын

Тиде пашам «Модернизация коммунальной инфраструктуры» федерал проект дене ыштат. Тидын нерген Марий Элын Вуйлатышыже Юрий Зайцев шке социал лаштыкыштыже возен. 

Реконструкций дечын вара 1 суткаште 94 тӱжем кубометр вӱдым эрыкташ тӱҥалеш. Тиде сай качестван вӱд дене 294 тӱжем еҥ пайдаланен кертеш. Реконструкцийым 2027 ийыште мучашлышаш улыт. Очистной сооружений ‒ оласе коммунал инфраструктурылан кӱлешан объект. Тудын модернизацийжым у технологий дене ыштат. 

Ушештарена, 2023 ийыште Йошкар-Олаште «Оздоровление Волги» федерал проект дене канализацийын очистной сооруженийын реконструкцийжын икымше этапше мучашлалтын. Пашам палемдыме график дечын ончыч 2020 ий гыч шуктеныт.