Йошкар-Олаште турист инфраструктурым саемдат

«Туризм и гостеприимство» нацпроект дене шуктымо паша нерген рӱдола мэрын пашажым жаплан шуктышо Антон Трудинов палдарен. Тудын мутшо дене, олаште уна-влаклан йӧнан навигацийым ыштат. Турист маршрутлаште карте-влакым вераҥдат, тушто ик эн оҥай да ойыртемалтше вер-влакым ужаш лиеш: архитектур ансамбль гыч тоштер марте. Ола администраций ончыкыжым Какшан серыште шукырак теҥгылым да урно-влакым вераҥдаш шона. Кызыт Вознесенский уремым лопкаҥдат, тушто турист автобус-влаклан парковкым да йолгорным ыштат.