Советский поселкышто универсальный спорт площадкым почыныт

Тудым ышташ республикысе да верысе бюджет гыч 9 миллион утла теҥге ойыралтын. Тиде площадке спорт да физкультур дене кылым кучаш кумылан-влаклан йӧнан. Тушто футбол, баскетбол да волейбол дене модаш келшен толеш. Школышто тунемше-влакланат тыште йӧнан.

Республикын Вуйлатышыже Юрий Зайцев районышто илыше-влакым спорт площадкым почмо дене саламлен да верысе «Звезда» йоча футбол командылан у мечым кучыктен.