У Торъял районышто «Торъял шӱшпык» марий мурым йоҥгалтарыше-влак коклаште конкурс лийын

Тушко 16 усталык коллектив да мурышо ушнен, нуно марий калык мурым йоҥгалтареныт. «Солист» номинацийыште икымше верыште Тошто Торъял тӱвыра пӧрт дечын конкурсышто мастарлыкым ончыктышо Эвелина Белова, «Вокал ансамбль» номинацийыште кокымшо степенян дипломым Тошто Торъял гыч «Ший оҥгыр», тыгак У Торъял поселкысо тӱвыра полат гыч «Торъял кундем» фольклор ансамбль-влак суленыт.