Республикысе утарыше-влак неле пӱртӱс условийыште беспилотник-влакым тергеныт

Россий МЧС-н тӱҥ виктемын пилотдымо авиаций системын специалистше-влак тунемме-тренировко полёт-влакым эртареныт. Аккумуляторный батарей-влакын изи температурышто пашам ыштымыштым акленыт. Пилотдымо чоҥештылтше аппарат-влак Россий МЧС-ште кучылталтыт. Нунын дене еҥ-влакым чрезвычайный ситуаций годым утарымаште пайдаланат.

Беспилотник-влак 500 метр марте кӱшкӧ нӧлталтын кертыт, тыгак оператор дечын 2 километр тораште пашам ыштат. Автономно тиде аппарат 20 минут пашам ыштен кертеш. Утарыше-влак палдарат, йӱштӧ да пычкемыш жапыште дрон-влак пашалан ямде улыт.