Мемнан кундем гыч «За Марий Эл» фонд спецоперций верыш 62-шо гуманитар миссийым колтен

Куд регионыш, а тиде мемнан землякна-влаклан, тыгак шефствыш налме Куйбышевский район да Белгородский областьыш кум фуро да грузовой фургон дене погым наҥгаеныт. Гуманитар конвой 7 тӱжем утла километрым эрта. 100 тонн груз радамыште технике да транспорт, чоҥымаш материал, генератор, связьлан средство, экипировко, медицин оборудований, гигиене да кочкыш набор-влак, тыгак йоча-влакын серышышт да сӱретышт.

Марий Элын вуйлатышыже Юрий Зайцев полышым колтымо шотышто палемден: «Шочмо элым аралыше салтак да нунын ешыштлан полыш- ончыл верыште. Ончыкыжымат герой да нунын лишыл еҥыштлан полшаш тӱҥалына. Воин-влак палышаш улыт: ме нунын дене кугешнена да сеҥымаш дене мӧҥгӧ вучена», - иктешлен регион вуйлатыше.