Марий Эл ТВ: Йошкар-Олаште 13 да 14 мартыште призывлан ямдылалтше самырык-влакын спартакиадышт эртен

Спорт дене кылым кучат да салтак радамыш ушнаш ямдылалтыт. Республикысе школлаште кугурак классыште тунемше рвезе-влак спартакиадыш ушненыт. Йошкар-Олаште 13 да 14 мартыште призывлан ямдылалтше самырык-влак спортын тӱрлӧ видыштыже таҥасеныт. Регион кӱкшытан телымсе спртакиадыш республикын 13 районжо гыч 130 утла рвезе ушнен. Нуно силовой гимнастике, тыгак пневматический винтовко гыч лӱйкаленыт да кирам нӧлтеныт. Эше ече дене ӱчашеныт.