2024 ий октябрь тылзе марий калыкын илышыштыже пале кышам кода. Марий-влак 12-шо марий погыныш чумыргат. Тудым тений шыжым эртарат. Планым Республикысе Виктер пеҥгыдемден. 12-шо марий погын 438 делегатым да 100 наре унам пырля погышаш. 1 тӱжемат 100 марий деч 1 делегат. 12-шо марий погынышто молгунамсе семынак 6 тӱрлӧ комиссий пашам ышташ тӱҥалеш. Погынлан ямдылалтме пашам оргкомитет эртыше ийынак тӱҥалын. Тачысе кечын Марий мер канаш Погынлан ямдылалтме чыла йодыш кокла гыч ик эн тӱҥжым, а тиде делегатым сайлыме шотышто пашам виктара. 1 июнь гыч 31 август марте делегатым сайлаш тӱҥалыт. Каласыман, делегатым сайлыме нерген йодмашым ик тылзе ончыч пуыман.
Комментариев: 0