Марий Эл ТВ: Йошкар-Олаште «Театральная юность» фестиваль лиеш
Сценышке лекташ ямдылалтыт. 15-17 апрельыште Йошкар-Олаште «Театральная юность» фестиваль лиеш. Тушко республикысе район да оласе тӱвыра рӱдер пеленсе йоча театр-влак погынат. Морко, Кужеҥер, Медведево, Марий Турек районла, Йошкар-Ола, Козмодемьянск, Волжск да Киров олала гыч коллектив-влак толыт. Йоча-влак спектакльым руш да марий йылмыла дене ончыктат.
