Марий Эл ТВ: Морко кундемыште «Ме – ик еш улына» район кӱкшытан фестиваль-конкурсыш погынат

Еш кажне айдемын илышыштыже ик эн тӱҥ верым айла. 2024 ийым Россий Президент, Владимир Путин Еш идалык семын увертарен. Тений кундемыштына тудлан пӧлеклалтше шуко мероприятий эртаралтеш. Нунын кокла гыч иктыже – Морко кундемыште эртаралтше «Ме – ик еш улына» район кӱкшытан фестиваль-конкурс. Тушто уста еш-влак дене палдараш тÿҥалыт. Изи Кушна тӱвыра пӧртын пашаеҥже-влак тиде конкурслан чолга, марий шӱлышан, тиде ялыштак илыше Ивановмыт ешым ямдылат.