19:09, 16-05-2024Марий Эл ТВ: Почмо омса кечым эртарат

Журналист паша дене палдараш почмо омса кечым эртарат. 18 майыште Бауман лицей 9 классыште тунемше-влакым вашлиеш. Тидыже «Журналистика да медиа» виктыш дене 10 классым почмо амал дене кылдалтын. Кызыт журналист лияш кумылан ӱдыр-рвезе-влакым почмо омса кечыш пагален ӱжыт. Медиа классыш руш йылме да литератур дене «4» да «5» отметкылан тунемше-влак пурен кертыт. Йоча-влак ойырымо турым эртат. Тидлан мӧнгыштышт молан журналист лийнешт манын умылтарен, серышым ямдылышаш улыт. А школышто диктантым возат.