19:56, 30-05-2024Марий Эл ТВ: Каныш кечылаште «Марий кеҥеж» уремысе фестиваль почылтеш

Шушаш каныш кечылаште Йошкар-Олаште «Марий кеҥеж» уремысе фестиваль почылтеш. Тудо икымше гана 2022 ийыште Марий Эл Республик вуйлатыше Юрий Зайцевын кӱштыкшӧ почеш эртен. Тений фестивальлан тӱҥалтышым Москваште ВДНХ-ште Пеледыш пайрем пыштен. А рӱдолаште «Марий кеҥеж» 1 июньышто 11 шагатлан Никонов лӱмеш площадьыште Благовещенский башне дене тӱҥалеш. Фестиваль 31 август марте шуйна. Кажне арнян кугарня, шуматкече да рушарнян рӱдоласе площадкылаште тӱрлӧ мероприятий-влак лийыт.