Велосипед дене таза илыш-кучыш верч. Эртыше каныш кечылаште Йошкар-Олаште «Эвелин» велопарад эртен. Икымше гана тыгай мероприятий 2014 ий 27 апрельыште лийын. Тунам тушко 200 еҥ ушнен. А тений велопарад ик тӱжем утла еҥым чумырен. Нунын коклаште - йоча, кугыеҥ, сулен налме канышыште улшо-влак. Тыгак стартыш профессионал спортсмен да любитель-влак лектыныт. Нуно Ленин площадь гыч рӱдоласе урем мучко 10 километрым кудалыныт.