Марий Эл ТВ: Какшамарийыште Федор Осиповлан увер стендым почыныт

Директор, туныктышо да чолга ончылъеҥым шарнен, Звенигово районысо Какшамарийыште Федор Осиповлан увер стендым почыныт. Тудо Слободской олаште шочын. Озаҥысе гимназийым, вара университетым йошкар диплом дене тунем пытарен. 1922-1937 ийлаште Какшамарий школын директоржо лийын. Вуйлатыме жапыштыже у школым чоҥеныт, а кызыт тудын олмышто стендым почыныт. Тыгак школышто тунам агропедтехникум почылтын. Арам огыл тудым марий Макаренко маныныт.