Ешартыш шинчымашым налыт да паша опыт дене пайлалтыт. 26 июнь гыч 3 июль марте каныме да тазалыкым пеҥгыдемдыме «Таир» рӱдерыште Россий кӱкшытан форум эрта. Тений тудо самырык педагог ден наставник-влакым 15-ше гана чумырен. Элнан 35 субъектше гыч 220 участник ушнен. Тенийсе форум «Время выбрало нас. О ценностях и смыслах» программе дене эрта. 7 кече жапыште туныктышо-влак тӱрлӧ вашлиймаш, тренинг, лекций, дискуссий, семинар да моло мутланымашке ушнат. Тыгак уш-акыл да спорт модыш гоч тазалыкым пеҥгыдемдат да мастарлык-классым эртат.