Марий Эл ТВ: Семёновко селасе 21-ше номеран школышто «Точка роста» рӱдер почылтын
Марий Элна эше икмыняр туныктымо рӱдер дене пойдаралтын. Иктыже Семёновко селасе 21-ше номеран школышто почылтын. Тушто «Точка роста» пашам ышташ тӱҥалын. Тиде туныктымо рӱдерыште тунемше-влак естественно-научный да технологий виктышыште шуаралтыт. Тушто занятий-влак урок жапыште да урок деч вара эрташ тӱналыт. У оборудований тунемше-влакын шинчымашыштым практикыште пеҥгыдемдаш полша. Тӱрлӧ эксперимент, опыт-влакым эртарыме дене предмет-влак дене шинчымашым келгемдаш лиеш.
