Эше ик спорт площадкылан шукырак лийын. Кинорежиссер, сценарист да продюсер Алексей Нужныйын инициативыж почеш Йошкар-Олаште спорт площадкым почыныт. Тудо Алексейын шочмо-кушмо кудывечыштыже Красноармейский урем 50-ше номеран пӧрт кумдыкышто верланен. Спорт площадке илышын чыла йодмашыжлан келшен толеш. 400 наре квадрат метран кумдыкышто искусственный газон, пече уло. Тыгак видокамерым вераҥденыт, а лишыл жапыште тулым вашталтат. Тыге кеч-могай жапыштат футбол дене модаш йӧнан лиеш. А площадкым почмо кечын «Факел» ден Йошкар-Оласе юрист-влакын командышт модыныт.
Комментариев: 0