Марий Эл ТВ: Пакчасаскам погымо тургым умбакыже шуйна

Пакчасаскам погымо тургым умбакыже шуйна. Волжский район Учимсола ялын шочшыжо Андрей Пушкинын озанлыкыштыже кызыт ковыштам погат. Фермер икмыняр тӱрлӧ ковыштам шынден. Пакчасаскам поген налмеке, тудым ужалымашке колтат да эше шинчалтат. Андрей 14 ий фермер сомылым шукта. Кызыт тудын озанлыкше потребительский кооперативыш савырнен. 2022 ийыште фермер кугыжаныш деке йодмаш дене лектын да еш фермым вияҥдашлан 4 миллион теҥгелан грантым сеҥен. А тений ийыште пакчасаскам перерабатыватлыше цехым чоҥашлан - 8 миллион теҥгем пуэныт.